Huli na ang utak sa mga karumaldumal na karahasan-Pagkahuli ng mag-asawang Benito at Wilma Tiamzon ng CPP-NPA
USAPANG AFP BY: Brig Gen Rolando G Jungco AFP, Commander, CRSAFP
Ang pagkahuli ng mag-asawang Benito at Wilma Tiamzon ang Chair at Finance Chief ng Communist Party of the Philippines-New People’s Army (CPP-NPA) ay isang kahanga-hangang nagawa ng ating tropa para sa seguridad ng ating bansa.
Ang pagkahuli sa kanila ay siguradong magpaparalisa ng mga plano at mga hakbangin ng CPP-NPA lalo na ngayong napapalapit na ang kanilang anibersaryo ng pagkakatatag ng NPA. Isang malaking dagok ang pagkahuli sa mag-asawang ito sa kanilang kilusan. Timing ang kanilang pagkakahuli. Maantala ang ano mang plano sa anibersaryo ng NPA.
Dalawang buwang walang tigil at humpay ang ating mga kasundaluhan at kapulisan sa pagtugis sa kanila. Minamanmanan ang bawat kilos na lingid sa kanilang kaalaman. Hindi nila sukat akalain na sila ay mabibitag ng ating mga tropa. Marahil napapanahon na upang sila ay mahuli at matigil na ang pagtatanim ng landmine na ipinag-utos ni Benito Tiamzon, ang siyang kumikilos na Chairman ng Communist Party of the Philippines. Napag-alaman na hindi pala mismo si Jose Maria Sison ang nagbibigay ng direktiba sa mga kasapi ng CPP. Kundi ang direktiba ay galing kay Benito Tiamzon.
Ang CPP ay nagkaroon ng pagbabahagi ng liderato. Yong nais ang political revolution ay kakampi kay Jose Maria Sison at iyong nais ang armadong pakikibaka ay kay Benito Tiamzon. Kaya marami ang naihalal sa partido ng CPP noong mga nagdaang halalan dahil ito ang ninais ni Sison. Kung natatandaan, ay nagdeklara si Sison na hindi bakante ang pamumuno sa CPP. Kontrolado niya ang CPP. Subalit ito ay hindi sinang-ayunan ng tropa ni Tiamzon. Hindi nila sinusunod ang ano mang direktiba na nagmumula kay Sison. Dahil ang katwiran nila si Sison ay nasa malayong bansa samantalang si Tiamzon ay kasamasama nila sa pakikibaka. Mas ginusto ng mga kakampi ni Tiamzon ang madugong pakikibaka. Kaya mapupuna ang mga kahindik-hindik na mga pangyayaring nagaganap sa Kabisayaan at Mindanao. Kaliwa’t-kanan ay panunog, pagsabog ng mga landmine, pag-atake sa mga yunit ng militar at pag-ambus sa mga tropa ng gobyerno.
Ang mag-asawang Tiamzon ay tinatawag na leadership dynasty. Biro mo ang lalaki ang siyang komander ng lahat ng tropa sa armadong pakikibaka. Samantalanag ang kanyang asawa ang pinakapinuno sa paghawak ng pondo ng kanilang samahan sa buong Pilipinas. Kaya marahil nakapamumuhay sila ng masagana at ang kanilang mga anak ay nag-aaral sa mga eklusibong mga paaralan. Nang sila ay mahuli ay nakasakay sila sa pinaka latest na Hyundai Starex at Toyota Innova. Ibig sabihin nito na maalwan nga ang kanilang pamamaraan sa paglalakbay. Samantalang ang mga ordinaryong NPA ay paa ang kanilang ginagamit sa pagtakas. Takbong walang humpay at bahala sa kanyang sariling magtago sa mga awtoridad.
Gulat din naman ako sa mag-asawang ito. Pinipilit nilang sila ay nakapaloob sa listahan ng JASIG. Na nakasaad sa JASIG na hindi sila huhulihin ng mga awtoridad dahil kasama sila sa listahan ng mga consultants para sa negosasyon sa usapang pangkayapaan. Noon pa man ay ayaw ng mag-asawang ito na maisulong ang peace talks. Kaya natigil na ang usapang ito. Dahil mismo sila ang ayaw na magkaroon ng kasunduang pangkapayapaan sa pagitan ng gobyerno at sa kanilang panig. Ngayon ginagamit nila ang JASIG upang sila ay makalaya. Mismong Korte Suprema na ang nagsabi na hindi sila kabilang sa JASIG dahil napabilang sila sa armadong pakikibaka. Sila mismo ang nakikipaglaban sa pamamagitan ng karahasan. At isa pa walang makakapagpatunay na dokumento na sila nga ay kabilang sa JASIG. Dahil ang kopyang naka diskette ay nasira sa loob mismo ng vault sa Switzerland.
Ngayon ay magkakaroon na ng hustisya ang mga biktima sa Inopacan, Leyte kung saan 15 katao ang nalibing sa mass grave. Sila ay may kasong Frustrated Murder (Criminal Case Nr. 4702) at Murder (Criminal Case Nr. 4703) sa Regional Trial Court Branch 31 sa Laoang, Northern Samar. Nahuli na ang utak sa karumaldumal na pangyayari laban sa 15 taong nasawi. Paano naman ang biktima sa pagsabog ng landmine. Makakamit na rin nila ang hustisya.
Statement of General Emmanuel T Bautista, Chief of Staff AFP
Statement of General Emmanuel T Bautista, Chief of Staff AFP- At 3:15 PM of March 22, 2014, the AFP and the PNP arrested high-ranking NPA leaders Wilma and Benito Tiamzon at Brgy. Zaragosa, Aluginsan, Cebu. Wilma Tiamzon is the Secretary General of the CPP/NPA while her husband, Benito, is the Chairman of the CPP/NPA. They were arrested by virtue of a warrant of arrest for their crimes against humanity that include murder, multiple murders, and frustrated murder. They are currently undergoing processing and documentation for legal disposition.The arrest of Benito and Wilma Tiamzon is another victory for the combined efforts between the AFP, PNP and other stakeholders in pursuit of peace and security. We will then continue to strengthen our resolve to bring other criminals to justice in honor of the victims of the violence perpetrated by the CPP-NPA, and in honor of our people who deserve to live in a peaceful and developed society. We call on to the rest of the CPP-NPA members to lay down their arms, abandon the armed struggle and return to the comfort of their families and join us in bringing peace and development to our nation.
Related News Articles
|
